'Iglesia ni Kristo' tanggap ng Simbahang Katoliko

Sulat ni San Pablo sa mga Kristiano (Katoliko) sa Roma 16:16 "...mga iglesia ni Cristo."

Article mula sa blog ni Kapatid na Cenon Bibe Jr. sa TUMBUKIN NATIN!

BASAHIN po natin itong sabi ni TERTULLIAN (isang kaanib ng Iglesia ni Cristo na gumamit ng pangalang "Tertullian.")

Tertullian said... Paano po ipinantatawag ang pangalang Cristo? Rom 16:16 Magbatian kayo ng banal na halik. Lahat ng iglesya ni Cristo ay bumabati sa inyo. (New Pilipino Version) Tanggap po ba ng Simbahang Katoliko ang katotohanang ito? Opo narito po ang katibayan. “Did Jesus Christ established a church?” “Yes, both secular and profane, as well as from the Bible which is considered as a human document. Jesus Christ established a church which from the earliest times has been called after him, the Christian church or the church of Christ...This church, built and established by Christ is the church of Christ, it is the only true church in which God orders all men to join.” (Rev. Francis B. Cassilly S.J. , Religion Doctrine & Practice, page 101) Sa Tagalog po: “Si Jesu Cristo ba ay nagtayo ng iglesia?” “Oo, mula sa pangsanglibutan (secular) at hindi pangkabanalan (profane), lalo na mula sa Biblia na itinuturing na isang dokumentong makatao. Si Jesu Cristo ay nagtayo ng isang iglesia na mula sa mga unang panahon ay tinawag ng sunod sa kaniya, ang iglesia Cristiana o ang Iglesia Ni Cristo...Ang iglesiang ito, na itinayo at binalangkas ni Cristo ay ang Iglesia ni Cristo, ito lamang ang tunay na iglesia na pinaguutos ng Diyos na aniban ng lahat ng tao.” Maging ang isang pari po ng Simbahang Katoliko na si Francis B. Cassilly ay sumasangayon na ang pangalan ng Iglesia ay Iglesia ni Cristo, sapagkat ito ang pangalan na sunod sa kaniya (o tinawag ng sunod sa kaniyang pangalan- pangalang Cristo), at ayon din sa kaniya ang Iglesia ni Cristo ang tunay na iglesia na pinaguutos ng Diyos na aniban ng lahat ng tao, na ito aniyay mula sa Biblia na itinuturing na dokumentong makatao. Maliwanag na maliwanag po iyan. Hanggang sa muli. Happy New Year po sa inyo at sa lahat ng tagasubaybay ng Blospot na ito.

Ang sagot ni Kapatid na CENON BIBE:

HAPPY NEW YEAR din po sa inyo, Tertullian.

NASAGOT na po natin ang sinabi niya tungkol sa "Paano po ipinantatawag ang pangalang Cristo?"

Ginamit daw na "PANGALAN" ng IGLESIA pero sa sinusundan po nitong artikulo ay NAPATUNAYAN NA NATIN na WALA pong GANOON.

Ang sagutin na lang po natin ay ang sinabi ni Tertullian na "TINANGGAP" ng Simbahang Katoliko ang "katotohanang" itinatag ng Panginoon ang "church of Christ."

SASANGAYON po ako. Ang tanong ko lang ay NAUUNAWAAN po ba ni TERTULLIAN ang KANYANG BINASA?

Sa palagay ko po ay HINDI.

NAPANSIN ko po na MAY ESTILO ang mga KAUSAP NATIN na ang tawag ay "PATUNOG."

Ang "PATUNOG" po ay yung PATUTUNUGIN NILA na "may mababasang Iglesia ni Kristo" kahit pa HINDI naman ang INC o ang "iglesia" nila ang tinutukoy ng nasusulat.

Halimbawa po sa ginamit ni Tertullian na sinulat daw ni "Rev. Francis B. Cassilly S.J. , Religion Doctrine & Practice, page 101."

Mababasa po sa sinulat daw ni Cassilly:

"Jesus Christ established a church which from the earliest times has been called after him, the Christian church or the church of Christ...This church, built and established by Christ is the church of Christ, it is the only true church in which God orders all men to join.”

Tinagalog pa po iyan ni Tertullian para LUMABAS ang "PATUNOG."

Sa pagsasalin niya ay ganito ang lumabas:

"Si Jesu Cristo ay nagtayo ng isang iglesia na mula sa mga unang panahon ay tinawag ng sunod sa kaniya, ang iglesia Cristiana o ang Iglesia Ni Cristo...Ang iglesiang ito, na itinayo at binalangkas ni Cristo ay ang Iglesia ni Cristo, ito lamang ang tunay na iglesia na pinaguutos ng Diyos na aniban ng lahat ng tao.”

Diyan po ay NAPATUNOG na ni Tertullian ang "Iglesia ni Cristo" na isinalin niya mula sa "church of Christ."

ALAM po nating PATUNOG lang iyan dahil MAY BINAGO po si TERTULLIAN.

Paki pansin ninyo na sa ORIHINAL na SINULAT daw ni CASSILLY ay HINDI CAPITALIZED ang "church of Christ." Ibig sabihin ay HINDI PROPER NAME.

Sa SALIN ni Tertullian ay NAGING CAPITALIZED na at nagi nang "Iglesia ni Cristo." Lumalabas nang PROPER NAME.

Kung HINDI po MATALAS ang TUMITINGIN ay MAPAPANIWALA sa GINAWA ni TERTULLIAN.

Ngayon, ang MAS MALALIM pong punto ay ito: ANO ba ang "church of Christ" na tinutukoy riyan? Yun po bang TUNAY na CHURCH OF CHRIST na ITINAYO ng PANGINOON NOONG UNANG SIGLO o yung isa sa MARAMING "CHURCH (CHURCHES) of CHRIST" na NATATAG LANG nitong NAKALIPAS na mga TAON?

MALINAW po sa mismong sinipi ni Tertullian kung ANONG "CHURCH OF CHRIST" ang tinutukoy.

Ang tinutukoy po ay yung NAGMULA PA NUNG UNANG PANAHON o UNANG SIGLO.

Ang NAG-IISA pong IGLESIA na NAGMULA pa NOONG UNANG SIGLO ay ang IGLESIA KATOLIKA.

Sa ACTS 9:31 ay TINUKOY NA ang iglesia bilang "EKKLESIA KATA HOLOS" o sa bigkas ay "EKKLESIA KATHOLES." Sa DIREKTANG SALIN, iyan ang IGLESIA KATOLIKA.

Ang IGLESIA KATOLIKA po ang TANGING IGLESIA na MATUTUKOY o MATI-TRACE PABALIK sa mga APOSTOL at sa MISMONG PANGINOONG HESUS.

E ang "IGLESIA" po kaya ni TERTULLIAN? KAILAN po kaya iyon NATAYO o NATATAG?

MARAMI pong GRUPO na NAGPAPAKILALANG "Church of Christ" o "Iglesia ni Cristo" sa PILIPINO.

Heto po ang ilan sa kanila: (batay sa sabi ng http://en.wikipedia.org/wiki/Church_of_Christ at mga link doon)

1. Churches of Christ na sinimulan nina Barton Stone at Thomas at Alexander Campbell at nabuo noong 1832 sa KENTUCKY, USA.

2. International Churches of Christ - humiwalay sa Churches of Christ nina Campbell noong 1980s.

3. Churches of Christ in Australia - nagmula sa Churches of Christ nina Stone at Campbell. Unang sinimulan sa Albion, Brisbane, Australia, noong 1871 pero pormal na tinawag na Church of Christ in Queensland noong Aug. 1, 1882.

4. Church of Christ of Latter Day Saints - sinimulan ni Joseph Smith Jr. noong 1830.

MARAMI pa pong IBA.

Isa po sa mga "Church of Christ" na natatag dito sa Pilipinas ay ang "Iglesia ni Cristo" na sinimulan ni Felix Manalo sa Sta. Ana, Manila, noong July 27, 1914.

Nito pong July 27, 2009, ay ipinagdiwang ng "Church of Christ" ni Manalo ang ika-95 ANNIBERSARYO nito.

Sa SIMPLENG PAGTAYA po ay MALINAW na ang "church of Christ" na tinutukoy ni CASSILLY ay HINDI ang mga BAGONG TATAG lang na mga "Church of Christ." KAILAN LANG SILA NATATAG.

Sa kabilang dako, ang sinasabi ni CASSILLY ay ang "church of Christ" na "itinayo at binalangkas ni Cristo" "mula sa MGA UNANG PANAHON."

So, LALAPAT po ba ang SINABI ni CASSILLY sa BAGONG TATAG lang na "Church of Christ"?

HINDI po.

Pero NATUTUWA po ako dahil SINASANGAYUNAN ni TERTULLIAN ang KATOTOHANAN na ang TUNAY na IGLESIA ni KRISTO na NATATAG noong MGA UNANG PANAHON "ang tunay na iglesia na pinaguutos ng Diyos na aniban ng lahat ng tao.”

Sa madaling salita po, KUNG ang isang TAO ay HINDI KAANIB ng IGLESIA NI KRISTO na NATATAG NOONG UNANG PANAHON ay WALA SILA sa TUNAY na IGLESIA. Iyan po ay AYON MISMO sa PATOTOO ng reactor nating si TERTULLIAN.

Kaya ang tanong po natin kay Tertullian ay SUSUNDIN BA NIYA ang SINASABI ng PARING si CASSILLY at AANIB SIYA sa "tunay na iglesia na pinaguutos ng Diyos na aniban ng lahat ng tao”? O MAGPAPATULOY ba SIYA sa "Church of Christ" na HINDI TINATAG ni KRISTO?

TANUNGIN po natin ang ating mga SARILI.

Salamat po.