KATOTOHANAN: "Hindi Matitibag ang Iglesia ni Cristo"

"Hindi matitibag ang Iglesia ni Cristo".  Ito ang pahayag ng isang kaanib ng Iglesia ni Cristo (ni Manalo) sa Facebook forum topic. TOTOO nga po ito.  Ito rin kasi ang PANGAKO ni Cristo sa Mat. 16:18. Kaya nga dapat SUMPAIN ang mga sinungaling na mangangaral (daw) na nagsasabing TULUYAN nang NATIBAG ang Iglesiang tatag ni Cristo at kailangang ibangon uli!!!

Pero ang tinutukoy kaya  niyang IGLESIA ay ang HUWAD na  naitatag lang kamakailan (Iglesiang tatag ni Felix Manalo noong 1914) o ang TUNAY na Iglesia na naitatag ni Cristo noong Unang Siglo (Iglesia Katolika 33A.D)?

Ano ang paalala ng kanilang OPISYAL na magasing PASUGO Mayo 1968, p. 7:
“Ang tunay na Iglesia ni Cristo ay iisa lamang, ito ang Iglesiang itinayo ni Cristo. Kung mayroon mang nagsisibangon ngayong mga Iglesia at sasabihing sila man ay INK rin ang mga ito ay hindi tunay kundi huwad lamang!"

"Nabasa ko na yang site na iyan... Isa lang yan sa mga ginawang paninira laban sa Iglesia Ni Cristo... Hindi ninyo matitibag ang aral ng Iglesia Ni Cristo dahil ito ang tunay na aral na mula sa bibliya... Yan kasing mga aral ninyo inimbento na lang kaya hindi ninyo mapagtanggol..

"Nabasa ko na yan" sabi nitong kaanib ng Iglesia ni Cristo.  Itong munting aklat na Ang Katotohanan Tungkol sa INK-1914  ang tinutukoy niyang nabasa na raw niya 'yan.

Kung inyong i-click ang link na 'yan, isa pong malinaw na kasiraan ang mga nakasulat doon dahil mismong kanilang mga ministro ay naglilimbag niyan.

Ang mga nakasulat po doon ay hango sa OPISYAL na pahayag ng mga Ministro ng Iglesia ni Cristo na nailathala sa kanilang OPISYAL na magasin.  Ibig lang sabihin ng mga nakasulat sa magasing Pasugo ay ang pangkalahatang katuruan ng Iglesia ni Cristo, maging ito'y personal na pananaw o saloobin ng bawat Ministro, tatanggapin pa rin itong "SIGNIFICANT" sapagkat OPISYAL na inilathala sa kanilang OPISYAL na MAGASIN.

Sino ang SINISIRAAN ng kanilang magasing PASUGO sa munting aklat na ito? Wala pong iba kundi ang PASUGO laban sa IGLESIA ni CRISTO (Manalo 1914). Wala na tayong dapat pang ipaliwanag dito. Basahin niyo na lamang.

Buong pagmamalaking sinabi nitong kaanib ng Iglesia ni Cristo na "HINDI" raw "MATITIBAG" ang IGLESIA ni CRISTO. 

Ang 'HINDI' raw na pagkatibag ng Iglesia ni Cristo (Manalo) sa kabila ng mga 'PANINIRA' sa kanya ay PATUNAY lamang na TUNAY raw sila at tunay din daw na galing sa Biblia ang kanilang mga aral.

TUMPAK!

Napakatuso talaga ng kanilang mga pahayag. Hindi nila nalalaman na ang kanilang mga sinasabi ay lalong NAGPAPATUNAY lamang sa IGLESIANG tunay na kay CRISTO -- ang IGLESIA KATOLIKA na siyang tunay na IGLESIA ni CRISTO (PASUGO April 1966, p. 46).

Dahil sa kabila ng paninira sa kanya. Sa kabila ng paghamak sa kaniya ng iba't ibang mga emperyo, kaharian, kilusan, lupon, schism, apostates, dissenters, bigots, anti-Catholics etc, ito'y NANATILING MATATAG at sa katunayan ay mahigit kumulang na 2,010 TAON na po KAMI!

Kung ang HINDI PAGKATIBAG pala ay PATUNAY lamang ng KATOTOHANAN na NASA kanya, eh di mas lumalabas na ang IGLESIA KATOLIKA ang MAS TUNAY sapagkat HINDI siya NATIBAG hanggang ngayon!

Salamat naman sa patotoo nitong kaanib ng Iglesia ni Cristo!

Ang Iglesia Ni Cristo na tinayo ni Cristo nuong unang panahon ay siya ring Iglesia Ni Cristo na tinayo nuong 1914 sa pamamagitan ni ka felix.. si Cristo mismo ang nagsabi niyaan... Si Cristo ang Ulo ng Iglesia. Iglesia Ni Cristo...

"Ang Iglesia Ni Cristo (brand name) na itinayo ni Cristo nuong unang panahon ay siya ring Iglesia Ni Cristo na itinayo nuong 1914 ... si Cristo mismo ang nagsabi niyaan..."

Ha? Sinabi ba ni Cristo? Saan? Naku, sinong bogus na cristo kaya ang bumulong kay Manalo niyan.. Pareho ba ang 33 AD sa 1914 AD? Kahibangan at kayabangan!

"Si Cristo ang Ulo ng Iglesia Ni Cristo..."

Kayabangan nitong kaanib ng Iglesia ni Cristo! Ang sabi ng PASUGO Mayo 1961, p. 22 si FELIX MANALO raw ang ULO, hindi si Cristo!!!

“Papaano magiging kawan o Iglesia ni Cristo itong mga tupa ni Jesus na nagmumula sa Pilipinas, hindi naman naparito si Cristo noong 1914? Ang sabi ni Jesus, Juan 10:16, 'magkakaroon sila ng isang Pastor'. Sino itong isang Pastor ng Iglesia na lilitaw sa Pilipinas? Ang pinagsabihan ng Dios: 'Huwag kang matakot, sapagkat ako'y sumasaiyo: (Isaias 43:5).

“Sino itong pastor ng Iglesiang lilitaw sa Pilipinas? Ito ang huling tinatawag o sugo na kasama ng Dios. Ito ang Kapatid na Felix Manalo. Noong sabihin ni Cristo na siya'y mayroon pang ibang mga tupa na wala sa kulungan at sila'y gagawing isang kawan at magkakaroon ng isang pastor, noon pa'y mayroon na siyang karapatan."

Ito rin ang PAG-AMIN ni JOSE VENTILACION, hindi na raw si Cristo ang Ulo ng Iglesia ni Cristo kundi si Felix Manalo na raw!!!

Ngayon ko lang napagtanto na marami-rami rin pala ang comedians sa loob ng Iglesia ni Cristo?  Isa na itong si Ron (di tunay na pangalan) na lakas loob na NAGBIBILAD ng KAMANGMANGAN sa forum sa Facebook.  Tanghaling tapat nananaginip itong kaanib ng Iglesia ni Cristo. Gusto pa niyang linlangin ang kasaysayan!!

Sinong SALAMANGKERO kaya ang nagturo sa mga kaanib ng Iglesia ni Cristo kay Manalo na ang sinaunang IGLESIA raw ay siya rin ang IGLESIA ni CRISTOng tatag ni Felix Manalo.

1. Una, hindi napatunayan ng kahit sinong salamangkero ng Iglesia ni Cristo ang may TOTAL APOSTASY sa Unang Iglesia ay WALA sa Biglia (Iglesia Katolika -- see my earlier post Apostasy: Biblically Unfounded).
2. Pangalawa, wala silang patunay mula sa pahina ng kasaysayan na LUBOS na NAWALA ang Iglesiang tatag ni Cristo noong unang siglo.
3. Pangatlo, sinasabi ng Banal na Kasulatan (2 Thes. 2:3)na may 'apostasy' na magaganap pero HINDI ang buong Iglesia kundi 'iilan' lamang (kasama na riyan si Felix Manalo).
4. Pang-apat: Sinasabi ng Kasaysayan na ang Iglesia Katolika ay nagmula pa noong panahon ng mga Apostoles (History of the Catholic Church)
5. Pang-lima: Sinasabi ng Kasaysayan na si itinatag ni Felix Manalo ang Iglesia ni Cristo sa Pilipinas noong 1914 (History of the Iglesia ni Cristo -1914).
6. Pang-anim: Inaamin ng Pamunuan ng Iglesia ni Cristo na si Felix Manalo nga ang nagtatag ng Iglesia ni Cristo sa Pilipinas at hindi si Cristo (PASUGO Agosto-Setyembre 1964, p. 5).

SUMATOTAL: Malinaw na PANLILINLANG at KASINUNGALINGAN ang sabihing ang INC tatag ni Manalo sa Pilipinas ay siya ring Iglesiang tatag ni Cristo noong unang siglo 33AD!