104 Taon ng Pagkakatatag: Sila raw ang tunay?

Originally posted at Iglesia ni Cristo 33AD blog

Tuwang-tuwa at galak na galak ang mga kaanib ng samahang tatag ni Ginoong Felix Manalo ~ang Iglesia Ni Cristo® ~  sa tuwing sumasapit ang ika-27 ng Hulyo. Ito ay sapagkat ipinagdiriwang nila ang taon ng kanilang anibersaryo ng PAGKAKATATAG.

Ayon sa kanilang REHISTRO ang kanilang relihiyon ay itinatag ni G. Felix Manalo noon lamang ika-27 ng Hulyo 1914. Kaya't sa taon ng mga Katoliko na 2018, sila ay isandaan at apat (104) taon pa lamang ng pag-iral.

Sabihin man nila ng paulit-ulit na ang IGLESIA KATOLIKA ay peke, hindi tunay at tatag ng mga pagano, hindi pa rin ito papasa sa simpleng pagsusuri sa kasaysayan sapagkat sila na rin mismo ang umaamin na sila'y KAILAN lamang ITINATAG. Sapagkat ang Iglesia Katolika ay 2,018 taon na samantalang sila ay 104 pa lamang.

At sa Europa, sila ay 50 AÑOS pa lamang samantalang ang Iglesia Katolika ay halos 1,951 taon nang umiiral doon. Kung pagbabatayan natin ang bilang ng taon upang angkinin ang mga katagang "God's promises fulfulled" eh, malamang hindi sila ang tinutukoy kundi ang IGLESIA KATOLIKA na sa "pasimula ay siyang Iglesia ni Cristo." (Pasugo Abril 1966, 9. 46).

Maging ang kanilang PAG-AANGKIN na ang "tunay" raw na Iglesia ay "NAKABALIK NA" sa kanyang "ORIHINAL" na tahanan, malaking katanungan pa rin sa atin kung BAKIT HANGGANG NGAYON AY NASA PILIPINAS PA RIN ANG KANILANG CENTRAL?

Kung ika'y isang kaanib sa INC™-1914 at ipinangaral sa iyo na ang "tunay" raw na Iglesia ay "nakabalik" na nga naman sa kanyang "original home" ayon sa itiniwalag na si Isais Samson Jr, hindi ba't kagalak-galak na balita ito?  

At dahil alam mo bilang isang INARALAN ng mga ministro ng INC™-1914 na ang ITINATAG ni G. Felix Manalo sa Pilipinas ay isang LOKAL lamang na kailangang IBALIK sa Jerusalem, hindi ba't NAKAKAPAGTATAKA nga naman na ang CENTRAL na PAMAMAHALA nito ay HINDI NALIPAT sa "original home" nito sa Jerusalem?

Lumalabas na ang INC™-1914 na tatag ni G. Manalo sa Pilipinas ay HINDI TOTOONG LOKAL lamang kundi ito ay isang IGLESIANG pagmamay-ari niya. Kaya't ang SENTRONG PAMAMAHALA nito ay HINDING-HINDI maililipat ito sa ibang bansa kundi sa PILIPINAS lamang. Sa Pilipinas itinatag at sa Pilipinas rin ito magwawakas! Ang pagkakaroon ng Central Offices ng  Iglesia Ni Cristo® sa Pilipinas ay hudyat na walang kinalaman si Cristo sa samahang 'yan at lalong wala silang koneksyon sa original na iglesia sa Jerusalem man o sa Roma.

IGLESIA SA ROMA, BINABATI BA NG LAHAT NG IGLESIA NI CRISTO®?

At bilang pang-wakas, ang kanilang paboritong talata sa Biblia, ang ROMA 16:16, wala po itong kinalaman sa kanila. Ang pinatutungkulan nito ay ang IGLESIA KATOLIKA na NASA ROMA. 

Bakit kaniyo?

Sapagkat ayon sa talata, "binabati KAYO (Iglesia sa Roma) ng lahat ng mga iglesia ni Cristo".

Bakit? May pagbati ba ang lahat ng "Iglesia Ni Cristo®" sa kanilang lokal sa Roma?

Wala pa akong natatandaan na ang lahat ng kanilang mga lokal sa buong mundo ay nagpapabati sa kanilang lokal sa Roma!

Saang parte ba ng mundo sila nagpapabati?

Sa kanilang CENTRAL sa Pinas.

Kailan?

Sa tuwing sumasapit ang ika-27 ng buwan ng Hulyo, araw ng kanilang pagkakatatag sa Pilipinas!

Kaya't kung kayo ay kaanib sa IGLESIA KATOLIKA, magalak at magpuri kayo sa Panginoong Diyos sapagkat ITO ay ang IGLESIANG INIIBIG ng Diyos, TINAWAG sa kabanalan, biyaya at kapayapaan at ang PANANAMPALATAYANG KATOLISISMO ay BANTOG sa BUONG MUNDO (Universal o καθ' ὅλης Kata Holos (Catholic)!

Ἡ μὲν οὖν ἐκκλησία καθ' ὅλης τῆς Ἰουδαίας καὶ Γαλιλαίας καὶ Σαμαρείας εἶχεν εἰρήνην, οἰκοδομουμένη καὶ πορευομένη τῷ φόβῳ τοῦ κυρίου, καὶ τῇ παρακλήσει τοῦ ἁγίου πνεύματος ἐπληθύνετο. [Acts 9:31]

Ang Katotohanan sa Pagkatiwalag Ni Joven O. Sepillo, Sr. ​Sa iglesia Ni Cristo

Sa kabila ng pilit na PAGTATAGO at PAGTATAKIP sa mga KASINUNGALINGAN ng SANGGUNIAN ng IGLESIA NI CRISTO CENTRAL, hindi kailanman kayang patahimikin ng Katotohanan. Narito ang patunay ni G. Antonio Ebangelista mula  sa pahayag mismo ng Ka Joven Sr.

Source: PressReader

Narito po ang pahayag ni Ka Joven, isang makatotohanang salaysay na sana ay makarating sa maraming mga kapatid para sa pagkaunawa at pagka alam ng katotohanan…

Ako po si kapatid na Joven O. Sepillo, Sr. isang ministro ng ebanghelyo sa loob ng Iglesia ni Cristo sa loob ng mahigit na 29 na taon, mula nang maordenahan subalit itiniwalag ng Sanggunian kasama ng aking pamilya,​dahil​ sa hindi pagpapasakop sa Pamamahala, ayon sa isinasaad sa unang sirkular na binasa sa buong Distrito ng Leyte East noong Hulyo 25, 2015. Sinabi ko pong una, dahil may sumunod na pagbasa ng sirkular noong Hulyo 29 at 30, 2015. Ang unang pagtitiwalag ay nangyari noong hindi ko sinunod ang bilin ng Central na gumawa ng isa pang video na ang sasabihin ay idinikta na ng tagapangasiwa batay sa tagubilin ng Central. Ang ikalawang pagbasa ay noon pong tanggihan ko ang proteksiyon na iniaalok ng Sanggunian para sa aking pamilya at sa pamilya ng aking anak na si Joven Sepillo, Jr. na isang ministro rin. Marahil kung tinanggap ko po ang proteksiyon na inialok nila ay masasapatan na sila sa unang pagbasa ng sirkular ng pagtitiwalag sa amin.

Nagpasya po akong lumabas upang marinig ng mga kapatid sa buong iglesia ang panig ko dahil pinalilitaw ng Sanggunian ngayon na ako ay lumalaban sa Pamamahala at nagkakalat ng kasinungalingan sa layuning guluhin ang Iglesia. Hindi ko po gagawin iyon, kung mayroon po akong nilalabanan at hinahangad na masawata ay ang mga katiwalian na umiiral sa Iglesia ngayon. Batid ko pong hindi magugustuhan ng mga taga- Sanggunian ang paglabas kong ito. Subalit dahil sa ipinasya nila na ipaalam pa sa mas maraming kapatid na tiwalag na ako at ang aking pamilya, gayong may una nang pagbasa ng sirkular sa pagtitiwalag sa Distrito ng Leyte East na aming kinadedestinuhan, marahil ay marapat lang pong malaman ng mga kapatid lalo na ng mga nakakakilala sa amin ang tunay na dahilan kung bakit humantong kami sa ganitong kalagayan.

Ito po ang talagang nangyari.

Noon pong Hulyo ​18, ​2015 ay lumitaw sa social media ang pangalan ko na isa sa mga ministrong dinukot at hindi makita. Marami pong nakaalam nito kaya sila ay nabahala lalo na ang aming mga kamag-anak. Kinumpirma naman namin sa mga nakakakontak sa amin na ligtas kami at hindi kami nadukot. Naging palaisipan po sa aking pamilya kung bakit ako nakasama sa mga ministrong nawawala gayong tahimik lang kaming tumutupad ng tungkulin sa lokal ng San Roque at Tolosa Extension sa Distrito ng Leyte East. Sino po kaya ang may gawa nito at ano ang kanilang layunin? Noong pong Hulyo 21, 2015 ay pinagawa po ako ng video na ang sasabihin ay “I am INC.” Nakipag-cooperate po ako at ginawa ko ang video batay sa itinagubilin ni kapatid na Rommel Sanvictores ng INCTV at ipinadala po sa kaniyang email. Panatag po kami ng pamilya ko na kung maipalalabas iyon ay maglilinaw na hindi ako nadukot at hindi ako nawawala kundi nasa destino at tumutupad ng tungkulin. Pagsapit ng Hulyo 24, 2015 ay may tinanggap na naman akong tagubilin mula sa Central na gumawa ng panibagong video kasama ang mga kapatid sa lokal na ang sasabihin naman ay “kaming mga maytungkulin at mga kapatid sa lokal ng San Roque, Distrito Eklesiastiko ng Leyte East ay nagpapahayag ng puspusang pagsunod at pagpapasakop upang maligtas” at babati ng maligayang ka-101 kaarawan ng Iglesia ni Cristo. Pag-uwi ko po sa lokal ng San Roque ay dinatnan ko na ang mga kapatid na tinipon ng pangulong diakono batay sa itinagubilin ng Distrito at naroon na rin po ang ministro na kukuha ng video. Hindi po iyon araw ng pagsamba sa San Roque, palalabasin lang na ang video ay katatapos lang ng pagsamba.

Mga Imoral na Ministro Talamak sa Central ng Iglesia Ni Cristo® ayon kay G. Antonio Ebangelista

Si ReadMeINC (may ari ng http://iglesianicristoreadme.blogspot.com) kaya ay isa sa mga kapanalig ni Ka Jun Santos sa malawakang "Cover-up" ng katiwalian sa pananalapi sa loob ng Iglesia Ni Cristo® dahil siya ay direktang nagtatrabaho sa Opisina ng Pananalapi ng Central?

Malamang na kasabwat. Tingnan niyo kung paano na lamang ang kanyang pagsisinungaling para lamang MANGHINGI pala ng DAGDAG ABULOY para raw sa pagbili ng mga properties sa ibang bansa:

Alam nyo bang ang konstruksyon ng pagpapatayo ng mga bahay sambahan ng Iglesia ay umaabot humigit kumulang sa 100 sa isang taon? at magkano kaya ang tinatayang halaga ng 1 bahay sambahan?? Milyon milyon po! para sa mga di nakakaalam.

At sa ibang bansa, mas focus ng INC ang pagbili ng properties para gawing bahay sambahan sapagkat di ito tulad ng Pilipinas na napakamura pa ng lupa at pagpapagawa o mga materyales sa paggawa. Kaya kung may nakikita kayong lokal sa ibang bansa na kaparehas ng sa Pilipinas, napakalaking gastos po nito umaabot sa 7million dollars (estimated expenses ng planong itatayong bahay sambahan ngayon sa Los Angeles, California).

Hirit pa noon nitong tagong ministro sa kaniyang blog na INC Defenders Online (na deactivated na) na may pamagat na "PAGHAHANDOG WAG IKATISOD" (na ngayon ay hindi na rin makikita sa websearch at hindi ko rin nakuhanan ng screen shot) ilang ulit niyang sinabing ang Iglesia Katoliko ay "tuluyan ng BUMABAGSAK" daw at kailangan nilang DAGDAGAN ang kanilang KONTRIBUSYON o ABULOY dumarami raw sila at kailangang BUMILI ng mga LOTE o mga bahay sambahan.

Pero ngayon iba na ang sinasabi...

Sa totoo lang, hindi ko ikinatutuwa ang katiwalian nangyayari ngayon sa loob ng INC™ tulad ng PAGSASAYA ni ReadMeINC sa mga masasamang balita tungkol sa mga paring Katoliko na inakusahan ng pagmamalabis.

Pero ano kaya ngayon ang ipagmalaki ni ReadMeINC sa balitang mas matindi ang katiwalian sa loob ng INC™ Central at mismong sa kanyang Departamento pa?

At dahil PILIT na INAALIS ang mga EBIDENSIYA laban sa kanyang mga naunang pahayag, ilang beses na yatang nagpalit ng blog itong si ReadMeINC kaya't burado na rin ang iba niyang mga posts.

Tapos kapag 'di nalagyan ng link o "Screen Shot" at 'di na mahanap o makita ang kanyang naunang mga articles eh sasabihin niyang "SINUNGALING" daw si Catholic Defender eh siya ang NAGBURA sa EBIDENSIYA at saka niya sabihing "singungaling" ako?!

Tapos bumalik lamang si ReadMeINC Abril 20, 2015 na buong pagmamalaking balik-TRENDING na raw ang kanyang blog:

Pero kapansin-pansin ang TIMING ng unang post niya matapos na siya'y pansamantalang nawala raw sa pagba-blog (dahil kaya sa crackdown na ginagawa noon ni Ka Jun Santos sa mga social media?).

Bumalik lang ulit siya sa pagba-blog noong April 25, 2015 isang linggo nang unang NAG-POST si G. Antonio Ebangelista nang pagsisiwalat sa mga katiwalian sa Iglesia Ni Cristo®:

Unang post ni ReadMeINC obvious na patungkol sa talamak na katiwalian sa Central ng INC™

Unang post ni G. Antonio Ebangelista, ang INC™ Ministro na nagsiwalat sa katiwalian sa loob ng INC™.

BINURA ang mga EBIDENSIYA para kunyaring walang alam ang mga mambabasa.

Ganon na ganon din ang ginawa raw ni Ka Jun Santos sa www.loopnet.com nung in-advertise ng Iglesia Ni Cristo property FOR SALE sa Texas, USA, tapos ngayon eh nawala na sa website ayon pa rin kay G. Ebangelista.

Buti na lang at nakunan ni G. Antonio Ebangelista ng Screen Shot bago pa nila binura sa internet at sasabihing sinungaling si G. Ebangelista?  Ngayon, kaya pa kayang i-cover up ni Ministro ReadMeINC ang mga pagbubunyag ni G. Antonio Ebangelista ukol sa talamak na kaimoralidaran ng mga Ministro sa Central?

Tungkol naman sa mga imoral daw na mga Ministro na naglilingkod sa INC™ Central, heto ang pagkasabi ni G. Ebangelista:

"Ang sabi nga ng isang Ministro sa Tanggapan ng Ka Radel Cortez na naalis sa Ministerio dahil sa “imoralidad”, at ng pagkabalik sa karapatan, wala pang isang taon ay kinuha na ng Ka Radel Cortez at ginawa niyang kalihim at Tagapagsiyasat sa kaniyang opisina, ang sinabi nya sa isang kasama naming Ministro, “Kung gusto mong manatili ngayon sa pagtitiwala ng Pamamahala (Sanggunian ang tinutukoy niya), kailangang matibay ang dibdib mo sa lahat ng bagay. Dapat kapag sinabi sayong GAWAIN MO ‘TO, sasagot ka agad ng OPO!"

"Tingnan ninyo ngayon ang bilang ng mga nababalik sa karapatan na Ministro at napupunta sa mas magagandang destino o kaya ay kinukuha sa Central para maglingkod sa iba’t-ibang Tanggapan, karamihan dun ay mga nagka-kaso ng imoralidad. Nakipagrelasyon sa ibang babae, pumatol sa menor de edad, nangalunya at naki-apid. Subalit agad na nababalik pagkalipas lang ng ilang taon, at ang masakit ay may ilan na hindi talaga naaksyunan, nalipat lang ng Destino kahit pa kaso ng imoralidad... Mga Ministrong napatunayan na kayang isaisang-tabi ang moralidad at Ministerial ethics ng dahil sa pansariling pakinabang o kaligayahan."

"Marami ang nagtatanong sa akin, bakit sa kabila ng mga lantarang nagaganap na pagbabago sa Iglesia na palala pa ng palala ay parang hindi yata ito batid ng ating Tagapamahalang Pangkalahatan. Imposible naman daw ito. Kaya para malaman natin ang kasagutan ukol dito ay alamin natin, ano nga ba ang ISTRATEHIYA ng Sanggunian? Ang istratehiya nila ay isang mabisang “COVER UP” upang maitago ang lahat ng ito sa Tagapamahalang Pangkalahatan. Tinitiyak nila na napapaligiran ang Ka Eduardo V. Manalo ng mga taong pinagtitiwalaan ng Sanggunian upang matiyak na hindi makakalusot sa kaniya ang kahit anumang impormasyon na maaaring makapagbunyag sa kanilang ginagawang pagmamalabis."

"Ang pinanatili nila sa pwesto sa mga Distrito sa Metro Manila at karatig na Distrito ay mga Tagapangasiwang kilala sa pagiging “mapanginoon”, “molestyador sa mga materyal na bagay”, “magaling mandaya ng ulat” at mga “sakim sa mahalay na pakinabang” at maaasahan (malakas “mag-abot”). Kaya nga kapag nagkaroon ng lifestyle check sa lahat ng mga Tagapangasiwa din sa mga Distritong ito ay malalantad din ang kanilang mga “hidden wealth”, “dummy bank accounts” at mga house and lot, condo units, mamahaling sasakyan na ipinangalan nila sa mga kamag-anak o dummies nila upang huwag ma-trace sa kanila... Ito rin ang “rationale” kaya maraming mabibilis na na-promote gaya ng Ka Romer Galang at ka Regalado Delos Reyes na dating nasa TV bilang tagapagsalita, naging Pastor ng Lokal ng Central. Paano sya tumalon sa pagiging Tagapangasiwa agad? Dahil sa napatunayan nya sa Sanggunian na handa siyang gawin ang LAHAT, kahit talikuran ang kaniyang sinumpaang katapatan sa Diyos.

"Marami ang nakakakila sa atin kay Ka Regalado Delos Reyes na isang mabait, malumanay at mapagpakumbabang Ministro…noon. Subalit ngayon, alam nating lahat (lalo nan g mga taga-Central) kung paanong nagbago na siya. Ang larawan ng Tagapangasiwang ito ngayon ay ang paging maypagka-panginoon, (kung magsalita at mag-utos sa mga maytungkulin at mga kapatid ang aakalain mo ay kung sino na) mahilig na rin sa pagnenegosyo at materyal na pakinabang, mayroon na rin syang mga alagang contractors, suppliers at mga “runners” at “bagmen” para sa ganitong mga iregular na aktibidad. At higit sa lahat, kaya sya nakapagbigay ng mabisang patotoo sa Sanggunian ay nang walang habas nyang pinaggigipit ang Mommy Tenny at ang Pamilya ng Ka Erdy. Alam ito ng mga ilang kapatid na nakasaksi kung paano sigawan, pagsalitaan ng masasamang salita ng Ka Rey ang Pamilya ng Ka Erdy.

"...ang Ka Jun Santos upang unti-unting itanim sa isip nila na ang pinaka-pinagtitiwalaan ng Tagapamahala ay ang Kapatid na Glicerio B. Santos Jr. Siya ang “Representative” ng Ka Eduardo. Siya ang mukhang laging inilalabas sa mga palabas sa NET 25 at INC TV, maging sa mga pahina ng PASUGO GOD’S MESSAGE, siya ang laman ng mga interviews, siya ang laman ng mga video presentation/message sa mga Maytungkulin at kapatid sa buong mundo, siya ang nagpapadala ng mga Sirkular sa Pagsamba, siya ang gumagawa ng mga leksyon sa Pagsamba, siya na rin ang bigla biglang nagbabago ng laman ng leksyon, siya ang nangunguna sa Video Conferencing ng mga Ministro at Manggagawa, Siya ang nagpupulong sa mga Tagapangasiwa…

"...And that, my friends, is how you orchestrate THE GREATEST COVER UP OF THEM ALL.

Antonio Ebangelista

Nakakabinging Katahimikan ni ReadMeINC, INC™ Central Finance Officer ukol sa katiwalian sa pananalapi ni G. Glicerio aka Jun Santos (Jr), General Auditor ng INC™ Central

ReadMeINC, may masasabi ka ba sa mga alegasyong ito? Tahimik ang iyong blog tungkol kay G. Antonio Ebangelista? :)

Unexplained Wealth of Iglesia Ni Cristo® Minister Glicerio aka Jun Santos (Jr) and his family according to an insider

Article shared by Mr. Antonio Ebangelista (not his true name), a Minister of the Iglesia Ni Cristo® working at Central Office in Manila, the Iglesia Ni Cristo Silent No More.

TRUE Deli Cafe, JET 7 Bistro and some Jollibee and McDonald, Chowking outlets allegedly owned by INC™'s General Auditor according to Mr. Ebangelista.

Mayo 5, 2015

Mga mahal na Kapatid,

Dahil sa matinding hamon ng Kapatid na Glicerio B. Santos Jr. sa buong Iglesia ng magturo sya ng lektura sa WEBEX Video Conference kausap ang lahat ng mga Ministro at Manggagawa sa buong mundo patungkol sa diumano’y paninira daw na kumakalat sa internet, sa Social Media at ang kaniyang buong igting na ipinagsigawan ay “Walang anomalya sa pananalapi ng Iglesia! Puro lang yan paninira! Wala naman silang ebidensya! Wala! Wala silang nalalaman ni katiting tungkol sa pananalapi ng Iglesia! Wala! Wala silang alam!”.

Papaano naman kaya ipapaliwanag ng Kapatid na Glicerio B. Santos Jr. ang di-maipaliwanag na kayamanan nila kaya sila nagkaroon ng mga “high-end” Restaurants na ang nagmamay-ari ay ang kanilang mga anak na si Gertrude “Jet” Santos at “True” Santos-Matias. But then ofcourse tyak na may naka-ready ng “alibi” ang Pamilya Santos ukol dito dahil sa alam nilang darating ang panahon na malalantad din sila. Narito ang kanilang magarbong restaurant na ipinangalang pa nila sa kanila (para hindi daw natin mahalata), ang TRUE Deli Cafe at ang JET 7 Bistro na kung inyong bibisitahin, (gaya ng aking ginawa upang makita ko mismo sa sarili ko kung totoo nga) ay makikita nyo na ito ay hindi tinipid, sa lugar (location) pa lamang ay ginastusan na ng husto dahil napaka-mahal ng commercial value ng lugar kung saan ito nakatayo, mamahalin ang interior at mga kagamitan. Hindi ko na iisipin kung ilang milyon ang ginastos dito, subalit maraming mga kapatid na contractors ang makapagsasabi na hindi mumunting halaga ang ginugol para dito. At kayo na rin po ang humusga kung ito ba ay akma at abot kaya ng isang anak ng Ministro sa Iglesia… Kung sa ibang mga Ministro nga ay napakahigpit ng Pamamahala sa uri ng pamumuhay nila, bakit kapag sa mga anak na ng Sanggunian ay tila baga hindi aplikable ang mga tuntuning ito. At ang Jet 7 Bistro ay mayroon pang mga inuming nakalalasing, hindi lang pala tuntunin ang nalalabag, pati pala ang Doktrina ay hindi na nila isinasaalang-alang. Maari nilang itangging sa kanila ang mga negosyong ito subalit isa itong “open-secret” sa mga nandito sa Central, kaya pinupuntahan pa ito ng mga Ministro at Manggagawa at mga kawani sa Tanggapan. At ang Bistro ni Jet ang siyang may hawak ng “meal ticket” ng lahat ng mga trabahador sa mga pagawain sa Philippine Arena, Sports Stadium at iba pa. Sila din ang nagcater sa mga malalaking okasyon sa Iglesia gaya ng ginawa sa Centenaryo at iba pang malalaking okasyon sa Philippine Arena. O di ba sali nila lahat ng pagkakakitaan sa Iglesia. Kaya magatataka pa ba kayo kung bakit laging gusto ng Ka Jun Santos na maraming aktibidad sa Iglesia lalo na sa Philippine Arena, para kahit yun pang catering ng pagkain mula sa VIP, sa guests hanggang sa nga staff, contruction at personnel ay sa kanila pa rin ang pasok. Hindi ba conflict of interest yan? Hindi naman siguro kasi lahat na lang sa Iglesia ay may interest si JS kaya walang conflict. Kung merong tinatawag na captured market, TAYO GINAWANG HOSTAGED MARKET NG KA JUN SANTOS. Pero ano nga ba uli ang sa i nya (sic)? “Wala kayong nalalaman! Wala! Wala kayong kahit katiting na kabatiran! Wala!” .

Mga kapatid ni Eduardo V. Manalo, ititiwalag nga ba?

'Yan ay ayon sa liham ni G. Antonio Ebangelista (hindi niya tunay na pangalan), isang Ministro ng Iglesia Ni Cristo® at  kasalukuyang naglilingkod sa Tanggapang Pangkalahatan ng Central, Quezon City. Narito ang liham.

KATUSUAN NG SANGGUNIAN

May 1, 2015 12:00PM

Mga mahal na Kapatid,

Marahil at nakarating nap o [sic] sa inyong kaalaman, maging sa inyong mga kaibigan at mahal sa buhay sa iba’t-ibang panig ng mundo ang ukol sa di-umano’y pagbasa ng sirkular kung saan ay itinitiwalag na daw si Ka Angel at Ka Marc Manalo. Bago po ako naglabas ng official statement ko ay nakipag-ugnayan muna ako sa iba’t-ibang credible sources ng balitang ito upang matiyak na ito ay totoo. Sa tindi ng balita ay napakabilis nitong lumaganap at mabilis ding nakapagdulot ng galit, hinagpis at kaguluhan sa napakaraming mga kapatid sa buong mundo.

Bagamat nakapag post na kami ng pahayag at tagubilin sa mga kapatid ukol ditto [sic] ay patuloy pa rin po naming sinusuysoy ang “source” ng balitang ito kung saang Lokal talaga ito nagsimula. Subalit sa dami ng mga kapatid na nagpadala ng mga mensahe sa akin ay walang makapagbigay ng aktwal na FIRST HAND INFORMATION na ito nga ay kanilang nasaksihan sa pagsambang kanilang dinaluhan.

Dahil dito ay sinikap naming alamin ang katotohanan subalit sa 40 na Lokal at Group Worship Service sa buong Japan ay walang makapagbigay ng CONFIRMED REPORT. Akin din pong nacontact ang isang kasamang Ministro sa Japan bago sila magtungo sa kanilang Pulong na ipinatawag ng Kapatid na Glicerio B. Santos Jr. sa Tokyo, Japan, ay sinabi pa nya na wala naman daw ganung bilin sa kanila at wala ring ibinigay na sirkular na babasahin.

Meron pong nagmessage sa akin na contact po naming sa ACTIV na sila man ay walang tinanggap na ganung bilin dahil sa ganyang mga HIGH PROFILE EVENTS ay binibilinan silang magmonitor upang abangan ang social media. Ang tanging bilin sa kanila ay bantayan ang lahat ng mga magla-like at magko-comment sa facebook at iba pang social networking sites at padalan sila ng mensahe na sila ay binababalaan na huwag magla-like at huwang magko-comment dahil ito day nagiging dahilan para magtrending ang usapan sa internet. Kinakailangan dawn a [sic] alisin ang kanilang mensahe at mag-unlike at ito daw ay ipinarating na nila sa kaalaman ng Pamamahala”. Binilinan din daw sila sa ACTIV na gumawa ng mga dummy accounts, i-add si Antonio Ebangelista at i-report ang isini-share kong link sa ating website upang ito ay iblock ng facebook at ng hindi na lumaganap pa ang kaalaman ukol sa mga nangyayari ngayon sa Iglesia. Malinaw na ito ay isang uri ng panlilinlang at pananakot sa mga Kapatid. May isang kasamahan din tayo sa loob ng Central ang nagsabi ng ganito “iyan ang sinasabi ng Ka Jun na walang ibang sinasabi sa social media kundi mga kasinungalingan, binibigyan ang mgakapatid [sic] ng maling impormasyon upang papaniwalain sila at hikayatin na lumaban sa Pamamahala”. Samakatuwid ay nagpasimula sila ng maling impormasyon at hinayaang kumalat ito hanggang sa ito ay maging parang totoo na nagdudulot ngayon sa maraming mga kapatid ng pangamba at kaguluhan. Kaya may ilan na dala ng kanilang di mapigil na emosyon ay nakapagsalita na ng hindi maganda. Ito ngayon ang gagamitin ng Ka Jun Santos na dahilan upang lalong sirain ang inilalabas nating mga impormasyon ditto [sic] sa social media at pararatangan ito na kasinungalingan din daw para walang taong maniwala. Buti na lamang at hindi ganyang kababaw ang pag-iisip ng mga kapatid natin. Mabuti na rin at ating hinikayat ang mg akapatid [sic] na magingmahinahon [sic] at manalangin at hindi upang lumaban at mag-aklasan.

Ito rin ang ginagamit nilang paraan para masukat kung ano ang magiging reaksyon ng Iglesia kapag itinuloy nila ang kanilang plano na itiwalag nga ang mga kapatid ng Ka Eduardo V. Manalo ng hindi man lamang dumadaan sa proseso, na hindi man lamang kinausap ng personal upang magkalinawagan muna bago makapag pataw ng isang mabigat na pagpapasya. Inaalam nila kung magsasawalang kibo ba ang mga kapatid at hahayaan silang magawa nila ang kanilang masamang binabalak o ito ba ay magbubunsod sa mga kapatid nalalong ipaglaban ang pagbubunyag ng katiwalian sa Iglesia, sa Sanggunian. Gagawin nila ang lahat para magulo nila ang Iglesia, isisi nila ang lahat ng ito sa amin na di-umano ay nagsisimula ng maling balita at nag-uudyok daw sa mga kapatid na maghimagsik laban sa Pamamahala para magkaroon na sila ng JUSTIFICATION na itiwalag na ang 2 magkapatid at sinoman na nais pa nilang ipatiwalag.

Lalo tayong maging mapagmatyag mga kapatid dahil gagawin ng Sanggunian ang lahat ng kanilang magagawa upang linlangin ang Tagapamahalang Pangkalahatan at ang buong Iglesia at magdulot ng pagkabahabahagi sa Iglesia. Kung sakali man na dumating man ang sandaling basahin nga ang Sirkular ukol sa pagtitiwalag sa magkapatid at maging sa sinuman na kanilang ititiwalag ng walang proseso o kaya ay ng dahil lang sa nag-like o nag-share sa social networking sites, ay iulat po ninyo agad sa amin upang ito ay maipagbigay alam po naming sa inyo.

Muli po ay magingmahinahon [sic] po tayo at lawakan natin an gating pangunawa atmagpakatalino [sic] tayo sapagkat matatalino po ang mga gumagawa ng katiwalian sa loob ng Iglesia at hindi sila papayag na sinoman ay maaring makahadlang sa kanila sa pakinabang na nakukuha nila bilang Sanggunian.

T [sic] kung sakali man na sa mga darating na pagsamba ay bigla nilang basahin ang Sirkular ukol sa pagtitiwalag sa magkapatid o sa iba pang mga kapatid dahil di-umano ay hindi pagpapasakop sa Pamamahala, lagi po nating tandaan na maging mahinahon po tayo sa pagsubok na susunguin ng Iglesia at sumampalataya tayo na ang Panginoong Diyos ang nakahandang magbigay linaw sa lahat ng ito at gabayan ang Kaniyang bayan sa tamang landas na dapat nating tahakin tungo sa ikasasakdal natin sa ating mga paglilingkod sa Diyos.

Sumaatin nawang lagi ang pag-ibig at paggabay ng Panginoong Diyos.

Ang inyong Kapatid kay Cristo,

Antonio Ebangelista

Email: increportsforvem@gmail.com

Website: https://iglesianicristosilentnomore.wordpress.com

If the true church was restored in Rome and Jerusalem, why is it that the Iglesia Ni Cristo® Central is still in the Philippines?

Restoration (ROME)

But the true Church of Christ is back in the region. Three momentous occasions that happened in the mid-1990s in the cities of Rome, Jerusalem, and Athens highlight this return. They involved the registration of the Church's congregations in Italy, Israel, and Greece with these countries' respective governments. A special worship service officiated by the Executive Minister, Brother Erano G. Manalo, marked each occasion. -The Iglesia Ni Cristo Website

Then WHY is the Iglesia Ni Cristo® CENTRAL still in the Philippines if the "true church" had been returned and restored to its origin?

DECEIVERS! That's what Felix Manalo's INC™ do. 

They DECEIVE people!

ERAÑO MANALO: The Church of Christ finally returned to its original home (Rome). Why the INC™ CENTRAL is still in the Philippines?

A day after the thanksgiving worship held on July 27, 1994 in Rome Locale's house of worship, Brother Erano signed a document declaring that the original Church of Christ had been restored in the ''Eternal City" where apostasy from the true faith began. In Jerusalem, on March 31, 1996, Brother Erano formally declared that God's work of salvation had finally returned to its original home. And, on May 10, 1997, in Athens, the Executive Minister officially declared the establishment of the Church's locale in that city, signaling the continuation of God's work of salvation to the Gentile lands that was started by Apostle Paul in the first century. 

If the "true" Church of Christ (Iglesia Ni Cristo) has been RESTORED BACK to IT'S ORIGINAL HOME, then WHY is it that the CENTRAL OFFICE is PERMANENTLY LOCATED in the PHILIPPINES?

What kind of RESTORATION of the ORIGINAL "CHURCH" have they done in Rome (Italy) or in Jerusalem (Israel) if the IGLESIA NI CRISTO® ADMINISTRATION cannot RELOCATE the CENTRAL OFFICE to ROME or to JERUSALEM?

Does it mean, it's because what FELIX MANALO FOUNDED in the PHILIPPINES is NOT a LOCALE but a CHURCH? If that's the case then FELIX REALLY DID FOUND A CHURCH-- and no restoration was done!

Stop believing in LIES and DECEIT. Stop following a DECEITFUL FAKE messenger. Save your souls from such ETERNAL DAMNATION. Save yourselves out from the cult of Felix Manalo-- the Iglesia Ni Cristo®!